வெயில் காலத்தில் என்னென்ன உணவுகளைத் தவிர்க்க வேண்டும்?

வெயில் காலத்தில் உடல் உபாதைகள் ஏற்படாமல் தவிர்க்க குறிப்பிட்ட சில உணவுகளைத் தவிர்ப்பது நல்லது. 

 ►சிக்கன், இறால், நண்டு உள்ளிட்ட அசைவ உணவுகளை தவிர்க்க வேண்டும். ஏனெனில் இவை உடல் சூட்டை அதிகரித்து வயிற்று உபாதைகளை ஏற்படுத்தும். அசைவப் பிரியர்கள் மட்டன், மீன் ஆகியவற்றை எடுத்துக்கொள்ளலாம். 

 ► வெயில் அதிகரிக்கும் இந்த நேரத்தில் எண்ணெயில் பொரித்த உணவுகளை தவிர்த்துவிடுவது நல்லது. 

 ► வெயில் காலத்தில் புளிப்பு, உப்பு, காரம் ஆகியவற்றை குறைத்துக்கொள்ள வேண்டும். 

 ► காபி, தேநீர் அடிக்கடி குடிப்பதைத் தவிருங்கள். பதிலாக கிரீன் டீ அருந்தலாம். 

 ► இனிப்பு வகைகளையும் குறைவாக சாப்பிட வேண்டும். குறிப்பாக சர்க்கரையைத் தவிர்க்கலாம். 

 ► குளிர்ச்சியான குளிர்பானங்கள், குளிர்ச்சியான சோடாக்களை சாப்பிடக்கூடாது. குறிப்பாக வெயிலில் சென்றுவிட்டு உடனடியாக குளிர்பானங்களை அருந்தினால் உடலில் பல்வேறு பிரச்னைகள் ஏற்படும். 

 ► கோடையில் குளிர்ந்த தண்ணீரை அருந்துவதற்கு பதிலாக வெதுவெதுப்பான தண்ணீரைக் குடிப்பதே நல்லது. 

 ► அரிசி உணவுகள், கோதுமை, மைதா, ராகி, பயிறு வகைகளை குறைத்துக்கொள்ளலாம். பதிலாக உடல் சூட்டைக் குறைக்கும் காய்கறிகள், பழங்களை அதிகம் எடுத்துக்கொள்ள வேண்டும். 

 ► துரித உணவுகளை சாப்பிடுவதை கோடைகாலத்தில் தவிர்த்து விடுங்கள்.