கண்களை பாதுகாக்க தினமும் பின்பற்ற வேண்டிய உணவு முறைகள் மற்றும் உடற்பயிற்சிகள்

நம் உடலின் முக்கிய உறுப்புகளில் ஒன்று கண்கள். கண்கள் இல்லையெனில் நம்மால் எந்த ஒரு வேலையையும் இயல்பாக செய்து முடிக்க முடியாது. 

இருப்பினும், முதுமை உங்கள் பார்வை மற்றும் கண் ஆரோக்கியத்தை பலவீனப்படுத்தும் சில மாற்றங்களை கொண்டு வரலாம். ஆனால் இன்றைய காலகட்டத்தில் குழந்தைகள் மற்றும் இளைஞர்கள் கூட கண் தொடர்பான பிரச்சனைகளை எதிர்கொள்கின்றனர். காரணம், வேலை, ஆன்லைன் வகுப்பு மற்றும் பொழுதுபோக்கிற்காக மக்கள் தங்கள் மடிக்கணினிகள் மற்றும் தொலைக்காட்சிகள் மற்றும் பிற டிஜிட்டல் கேஜெட்களை அதிகம் உபயோகப்படுத்தி வருகின்றனர். 

கேஜெட்டுகளில் செலவிடும் நேரம் அதிகரித்து வருவதால் மக்களுக்கு கண் தொடர்பான சிக்கல்கள் அதிகரித்துள்ளது. 

வீட்டில் இருந்தபடியே வேலை செய்வது, உங்களுக்குப் பிடித்த தொடர்களை அதிகமாகப் பார்ப்பது ஆகிய அனைத்தும் உங்கள் கண்களைப் பாதிக்கிறது. இது டிஜிட்டல் கண் அழுத்தத்திற்கு வழிவகுக்கிறது. நீண்ட நேரம் டிவி, கணினி அல்லது மொபைல் போன்களில் கவனம் செலுத்தும் போது ஒருவரில் கண் எரிச்சல், அரிப்பு போன்ற பிரச்சனைகளை உருவாக்கி கண்களை பலவீனப்படுத்தும். இதுபோன்ற சூழ்நிலையில் கண் பிரச்சனைகளை குறைக்க பயிற்சிகளும், சரியான உணவுகளை எடுத்துக்கொள்வது அவசியம். 

ஆரோக்கியமான கண்களை பராமரிக்க நீங்கள் செய்ய வேண்டிய உடற்பயிற்சிகள் : 

1. ஃபோகஸ் ஸ்வாப்: (Focus Swap) 

இந்தப் பயிற்சியானது கண்ணின் மையப் புள்ளியை மாற்றுவதன் மூலம் உங்கள் கவனத்தை ஒருநிலைப்படுத்துவதாகும். இந்த பயிற்சியை நீங்கள் உட்கார்ந்த நிலையில் செய்ய வேண்டும். 

எப்படி செய்வது: 

உங்கள் ஆல்காட்டி விரல் உங்கள் முகத்திற்கு முன்னால் இருப்பது போல வைத்துக்கொள்ளுங்கள். முதலில் உங்கள் விலரை கண்களுக்கு அருகில் கொண்டு வந்து அதை உற்று நோக்குவதில் கவனம் செலுத்துங்கள். பின்னர் விரலை பின்னோக்கி கொண்டு சென்று அதை உற்று நோக்குங்கள். பின்னர் உங்கள் விரலை விட்டுவிட்டு, தொலைவில் உள்ள ஏதாவது ஒன்றில் கவனம் செலுத்துங்கள். இந்த செயல்முறையை மூன்று முறை செய்யவும். 

 2. அருகில் மற்றும் தூரத்தில் கவனம் செலுத்துதல்: (Near and Far Focus) 

 இது மற்றொரு கவனம் செலுத்தும் பயிற்சி ஆகும். முதலில் பார்த்த பயிற்சியை போலவே, உட்கார்ந்த நிலையில் இதனை செய்ய வேண்டும். 

 எப்படி செய்வது : 

உங்கள் கட்டைவிரலை உங்கள் முகத்தில் இருந்து 10 அங்குலங்கள் தொலைவில் இருக்கும்படி பிடித்து 15 விநாடிகள் அதில் கவனம் செலுத்துங்கள். பின்னர் 10-15 அடி தொலைவில் உள்ள ஒரு பொருளைக் கண்டுபிடித்து, சில நொடிகள் அதன் மீது கவனம் செலுத்துங்கள். மீண்டும் உங்கள் கட்டைவிரலுக்கு உங்கள் கண்பார்வையை கொண்டு வாருங்கள். இந்த செயல்முறையை சுமார் ஐந்து முறை செய்யலாம். 

3. 20-20-20 விதி: (20-20-20 rule) 

மனிதனின் கண்கள் ஒரே பொருளில் நீண்ட நேரம் கவனம் செலுத்தினால் அது பாதிப்படையலாம். ஆனால், கடந்த ஒரு வருடத்திற்கு மேலாக நிலவி வரும் கொரோனா பிரச்சனையால் மக்கள் கணினி மற்றும் டிஜிட்டல் கேஜெட்டுகளில் நீண்ட நேரம் செலவிட்டு வருகின்றனர். 

இவ்வாறு இருக்கையில் 20-20-20 விதி டிஜிட்டல் கண் சிரமத்தைத் தடுக்க உதவும். இந்த பயிற்சியை செய்ய ஒருவர், ஒவ்வொரு 20 நிமிடங்களுக்கும் ஒருமுறை, 20 வினாடிகளுக்கு 20 அடி தொலைவில் உள்ள பொருள் ஒன்றின் மீது கவனம் செலுத்த வேண்டும். 

4. பிகர் எட்டு: (Figure eight) 

உங்களுக்கு முன்னால் 10 அடி தூரத்தில் தரைப்பகுதியில் ஒரு புள்ளியைத் தேர்ந்தெடுத்து அதில் கவனம் செலுத்துங்கள். மேலும் அந்த புள்ளியை அடிப்படையாக கொண்ட உங்கள் கண்களால் எட்டு வடிவத்தை கற்பனை செய்யவும். 

30 வினாடிகளுக்கு 8 வடிவத்தை ட்ரேஸ் செய்து, பிறகு திசைகளை மாற்றவும். இந்த செயல்முறையை மூன்று முறை செய்யவும். உங்கள் கண் ஆரோக்கியத்தை கட்டுக்குள் வைத்திருக்க சில டிப்ஸ் : * ஒவ்வொரு சில வருடங்களுக்கும் கண் பரிசோதனையைப் செய்து பாருங்கள். 

* உங்கள் கண் பார்வை வரலாற்றை அறிந்து கொள்ளுங்கள். பல கண் நோய்கள் மரபியல் சார்ந்தவையாக இருக்கலாம். 

* உங்களுக்கு நீரிழிவு நோய் அல்லது பிற நோய் வரலாறு இருந்தால் கண் பிரச்சனைகள் ஏற்படும் அபாயம் அதிகமாக இருக்கும். எனவே, ஆறு மாதங்கள் முதல் ஒரு வருடத்திற்கு ஒருமுறை உங்கள் கண் மருத்துவரை சந்திக்கவும். குங்குமப்பூ தரும் மகத்தான நன்மைகளை பற்றி தெரியுமா..? தினமும் சாப்பிட்டால் நீங்களே உணர்வீர்கள்..! 

* சன்கிளாஸ் அணியுங்கள். UVA மற்றும் UVB ஒளி இரண்டையும் தடுக்கும் துருவப்படுத்தப்பட்ட சன்கிளாஸ்கள் மூலம் UV கதிர்களால் உங்கள் கண்கள் சேதப்படாமல் பார்த்துக்கொள்ளலாம். 

* இது தவிர ஆரோக்கியமாக சாப்பிட வேண்டும். ஆரோக்கியமான கொழுப்புகள் மற்றும் ஆக்ஸிஜனேற்றங்கள் நிறைந்த உணவு கண்களை ஆரோக்கியமாக வைத்திருக்க உதவும். 

* தேவைப்படும் பட்சத்தில் கண்ணாடிகள் அல்லது காண்டாக்ட் லென்ஸ்களை அணியலாம். சரியான லென்ஸ்கள் அணிவது உங்கள் கண்களை பலவீனப்படுத்தாது. 

* அதேபோல புகைபிடிப்பதை நிறுத்துங்கள். புகைபிடிப்பது உங்கள் கண்கள் உட்பட உங்கள் முழு உடலுக்கும் கேடு விளைவிக்கும்.

ஆரோக்கியமான கண்களை பராமரிக்க நீங்கள் சாப்பிட வேண்டிய உணவுகள்: 

மீன் - மீன் நல்ல கொழுப்பு அமிலங்கள் மற்றும் ஒமேகா 3 ஆகியவற்றின் நல்ல மூலமாகும். இது கண் மற்றும் அதன் செயல்பாட்டிற்கு நன்மை தரும். 

முட்டை - லுடீன் மற்றும் வைட்டமின் ஏ உட்பட முட்டையில் உள்ள வைட்டமின்கள் மற்றும் ஊட்டச்சத்துக்கள் கண் ஆரோக்கியத்தை பாதுகாத்துகிறது. 

கழுத்து வலி.. தாடை வலி... மாரடைப்பின் போது உங்களுக்கே தெரியாமல் வரும் சில அறிகுறிகள்...! 

முழு தானியங்கள் - முழு தானியங்களில் காணப்படும் வைட்டமின் ஈ, துத்தநாகம் மற்றும் நியாசின் ஆகியவை ஒட்டுமொத்த கண் ஆரோக்கியத்தை மேம்படுத்த உதவுகின்றன. 

பச்சை காய்கறிகள்- கீரை, முட்டைக்கோஸ் மற்றும் காலார்ட் கீரைகள், ப்ரோக்கோலி, பட்டாணி மற்றும் வெண்ணெய் ஆகியவை கண் தசை பராமரிப்புக்கான சக்திவாய்ந்த ஆக்சிஜனேற்றியாக செயல்படுகிறது. 

சிட்ரஸ் பழங்கள்- ஆரஞ்சு, திராட்சைப்பழம், எலுமிச்சை மற்றும் பெர்ரிகளில் வைட்டமின் சி அதிகம் உள்ளது. இது கண் தொடர்பான பிரச்சனைகளின் அபாயத்தைக் குறைக்கும். 

நட்ஸ்- பிஸ்தா, வால்நட், பாதாம் உள்ளிட்ட நட்ஸ்களில் ஒமேகா-3 கொழுப்பு அமிலங்கள் மற்றும் வைட்டமின் ஈ நிறைந்துள்ளன. அவை உங்கள் கண் ஆரோக்கியத்தை மேம்படுத்த உதவுகிறது. 

பருப்பு வகைகள் - சிறுநீரக பீன்ஸ் மற்றும் பருப்பு ஆகியவை பயோஃப்ளவனாய்டுகள் மற்றும் துத்தநாகத்தின் நல்ல ஆதாரங்களாகும். 

இது உங்கள் பார்வை மற்றும் பிற கண் தொடர்பான செயல்பாடுகளுக்கு உதவுகிறது. கேரட்- கேரட்டில் பீட்டா கரோட்டின் நிறைந்துள்ளது. 

இது கண்பார்வையை மேம்படுத்துவதற்கான சிறந்த ஆதாரமான வைட்டமின் ஏ-வை உற்பத்தி செய்ய உதவுகிறது.