தமிழ்நாடு அரசு துறைகளில் குரூப் 2, 2ஏ பணியிடங்களில் காலி பணியிடங்களுக்கு
போட்டித்தேர்வுகள் நடந்து முடிந்த நிலையில், அடுத்தபடியாக முதன்மை தேர்வுகள்
எப்போது? என்ற தகவலை டி.என்.பி.எஸ்.சி. வெளியிட்டுள்ளது.
குரூப் 2, 2 ஏ பணியிடங்கள்
தமிழ்நாடு அரசு துறைகளில் உதவி ஆய்வாளர், துணை வணிக வரி அலுவலர், இளநிலை வாய்ப்பு
அலுவலர், சார் பதிவாளர் நிலை-2, தனிப்பிரிவு உதவியாளர், முழுநேர விடுதி காப்பாளர்,
தணிக்கை ஆய்வாளர், உதவி ஆய்வாளர், கைத்தறி ஆய்வாளர் உள்பட பல்வேறு குரூப் 2, 2 ஏ
பணியிடங்களில், 2 ஆயிரத்து 540 காலிப்பணியிடங்கள் உள்ளன. இதற்கான, குரூப் 2, 2ஏ
முதல் நிலை போட்டித் தேர்வு கடந்த செப்டம்பர் மாதம் 14-ந்தேதி நடந்தது. தேர்வை, 5
லட்சத்து 83 ஆயிரத்து 467 பேர் எழுதினர். தேர்வு முடிவுகள், கடந்த 12-ந்தேதி
வெளியிடப்பட்டது. தேர்வு எழுதியவர்களில், 29 ஆயிரத்து 809 தேர்வர்கள், குரூப் 2, 2ஏ
முதன்மை தேர்வுக்கு தகுதி பெற்றனர்.
முதன்மை தேர்வு எப்போது?
இந்த நிலையில், டி.என்.பி.எஸ்.சி. செயலாளர் கோபால சுந்தர ராஜ் நேற்று வெளியிட்ட
செய்திக்குறிப்பில் கூறியிருப்பதாவது:- குருப் 2 மற்றும் குருப் 2ஏ
முதன்மைத்தேர்வின் தமிழ் மொழி தகுதித்தேர்வு (தாள்-1) பிப்ரவரி 8-ந்தேதி பிற்பகல்
2.30 மணி முதல் மாலை 5.30 மணி வரை நடைபெறும். குரூப் 2ஏ பதவிகளுக்கான பொது அறிவு
மற்றும் மொழித்தாள் தேர்வு (தாள்-2), கொள்குறி வகையில் எழுத்து தேர்வாக பிப்ரவரி
8-ந்தேதி காலை 9.30 மணி முதல் மதியம் 12.30 மணி வரை நடைபெறும். குருப் 2
பதவிகளுக்கான பொது அறிவு தேர்வு (தாள்-2) பிப்ரவரி 23-ம் தேதி காலை 9.30 மணி முதல்
மதியம் 12.30 மணி வரை நடைபெறும். இவ்வாறு அவர் கூறியுள்ளார். முன்னதாக, குரூப் 2 ஏ
பதவிகளுக்கான பொது அறிவு மற்றும் மொழித்தாள் தேர்வு, கொள்குறி வகையில், கணினி வழி
தேர்வாக நடத்தப்பட இருந்தது குறிப்பிடத்தக்கது.
ليست هناك تعليقات:
إرسال تعليق